| N924 | |
|---|---|
| Langte: | 18,6 km |
| Kaart | |
 | |
De provinsjale wei 924 (N924) is in provinsjale wei yn Fryslân yn de gemeenten De Fryske Marren en It Hearrenfean. De dyk foarmet in ferbining tusken de A32 by It Hearrenfean en de A6 by Eastersee. De dyk ûntstie yn de rin fan de 20e iuw troch it opwurdearjen fan besteande weidielen. Fan Fjouwerhûs oant Eastersee rint de dyk by de kustline fan de Tsjûkemar del.
De dyk is in twastripe-gebietsûntslutingswei mei bûten de beboude kom in maksimumfaasje fan 80 km/o. Yn de gemeente It Hearrenfean hjit de dyk Oranje-Nassauleane en Rottumerwei. Yn de gemeente De Fryske Marren hjit de dyk Binnendyk, Hege Dyk, Fjouwerhûsterwei, Marwei, Haadwei en Hearrewei.
Yn de beboude kom fan It Hearrenfean is de dyk yn it behear fan de gemeente.